Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma‘lumotxonasi 1005Kecha-kunduz

Tarif kalkulyatori

14:01:19 (GMT +5), payshanba, 28 mart 2024

Temir yo‘llarda yo‘lovchi tashishning dolzarb masalalariga bag‘ishlangan matbuot anjumani bo‘lib o‘tdi

“O‘zbekiston temir yo‘llari” AJ yo‘lovchilar tashish, xizmat ko‘rsatish, temir yo‘lda turizmni rivojlantirish va istiqbolli rejalar. Bugun, 7 may kuni O‘zbekiston Milliy matbuot markazida bo‘lib o‘tgan matbuot anjumanida shu va boshqa ko‘plab masalalar muhokama qilindi.

“O‘ztemiryo ‘lyo‘ lovchi” AJ vakillari yo‘lovchilar xo‘jaligi faoliyati va koronavirus pandemiyasi davrida o‘rnatilgan cheklovlar to‘g‘risida batafsil so‘zlab berishdi.

“O‘ztemiryo‘lyo‘lovchi” AJ bosh direktorining o‘rinbosari Sunnatillo Xamidov o‘z ma'ruzasida yo‘lovchilarni tashish sohasida, shu jumladan ularga ko‘rsatilayotgan xizmatlar sifatini oshirish bo‘yicha bir qator ishlar amalga oshirilayotganini ta'kidladi. – Belgilangan karantin choralariga rioya qilishga alohida e'tibor qaratilmoqda. Xususan, barcha temir yo‘l stansiyalari belgilangan qoidalarga qat'iy rioya qilgan holda yo‘lovchilarga kechayu-kunduz xizmat qilmoqda. Sanitariya-gigiena qoidalariga muvofiq bekatlardagi nazorat punktlarida yo‘lovchilarning tana harorati belgilangan tartibda o‘lchanadi, tibbiy maskalar bepul tarqatiladi, barchaning qo‘llari antiseptik vositalar bilan tozzalaniladi.

Shuningdek, mas'ul vakillar xalqaro qatnovlarni qayta tiklashga oid ko‘pchilikni qiziqtirgan savollarga javob berishdi. 2020 yil mart oyida koronavirus pandemiyasi munosabati bilan xalqaro yo‘lovchi poyezdlari deyarli butun dunyoda to‘xtatilgani ta'kidlandi. Shu bilan birga, ular Rossiya poytaxtidagi vatandoshlarimizni o‘z vataniga eksport qilishda maxsus poyezdlar tashkil qilganini eslab o‘tishdi. Hozirda “O‘zbeksiton temir yo‘llari” AJ tomonidan xalqaro temir yo‘l qatnovlarini bosqichma-bosqich tiklash bo‘yicha Qozog‘iston Respublikasi va Rossiya Federatsiyasi temir yo‘l ma'muriyatlariga murojaat yuborildi. Ushbu murojaat har ikki davlatning vakolatli davlat organlari tomonidan o‘rganib chiqilmoqda va yaqin kelajakda amalga oshirilishi mumkin.  

Sayyohlik sohasini rivojlantirishga qo‘shgan hissasi va mamlakatimiz aholisi uchun qo‘shimcha qulayliklar yaratish, ichki turizmni rivojlantirish haqida ta’kidlanib, yo‘lovchilarning takliflarini o‘rganib chiqib, hududlarda yangi yo‘nalishlar ochilganligi to‘g‘risida ma'lumot berildi. Xususan, Termiz – X iva – Termiz, Andijon – Nukus – Andijon, Toshkent – Namangan – Andijon, Andijon – Namangan – Toshkent, Andijon – Xiva – Andijon, Toshkent – Olot – Toshkent, Toshkent – Shavat – kabi yo‘nalishlarda poyezdlar qatnovi yo‘lga qo‘yildi. Toshkent. Ushbu yo‘nalishdagi qatnovlar, o‘z navbatida, tarixiy shaharlarga va ziyoratgohlarga sayohat qilish uchun qo‘shimcha imkoniyatlar yaratadi.

Elektron chiptalarni sotib oshirish haqidagi yangiliklar va qulayliklar  ham yig‘ilish ishtirokchilarining diqqat markazida bo‘ldi. “O‘ztemiryo‘lyo‘lovchi” AJ vakillari elektron sayohat hujjatlarini rasmiylashtirish qulayligi haqida batafsil gapirib berishdi. Bundan tashqari elektron yo‘l hujjatlarini, ya’ni chiptalarni  rasmiylashtish samaradorligini oshirish maqsadida ham qator ishlar amalga oshirildi: Jumladan: 2019 yil dekabr oyida yo‘lovchilarga mobil telefonlar orqali elektron yo‘l hujjati sotib olish imkoniyatlari yaratildi (mobil ilovalar yaratildi iOS va Android). 2020 yilning yanvar oyida yo‘lovchilar temir yo‘l kassalariga bormasdan, veb-sayt yoki mobil ilova orqali yo‘l xujjatlarini qaytarish imkoniyati yaratildi. 2020 yil aprel oyidan yo‘lovchilarni poyezd jo‘nashidan oldin, ma’lum muddat ichida poyezd jo‘nashi haqida ogohlantirish xabari yuborilishi yo‘lga qo‘yildi, shuningdek,  korporativ kartaga harid qilingan elektron chiptani rasmiylashtirish paytida elektron hisob-faktura avtomatik tarzda INNsi ko‘rsatilgan tashkilotga yuborish imkoniyatlari yaratildi. 2020 yil avgust oyidan esa Hamkorbank va PayMe tizimi orqali to‘lovlarni amalga oshirish imkoniyatlari va Click tizimi orqali to‘lovlarni amalga oshirish imkoniyatlari kengaytirildi, bundan tashqari yuridik shaxslar uchun korporativ bank plastik kartasi orqali to‘lovlarni amalga oshirish imkoniyatlari yaratildi. 2020 yil noyabr oyidan Stripe (VISA, Mastercard) tizimi orqali to‘lovlarni amalga oshirish imkoniyati va 2020 yil dekabr oyida yo‘lovchilar Facebook va Telegram ijtimoiy tarmoqlari orqali ro‘yxatdan o‘tib elektron yo‘l hujjatlarini sotib olishlari uchun qo‘shimcha qulayliklar yaratildi.

Hozirda A-4 formatida qog‘ozga bosilgan elektron chiptasi bo‘lgan yo‘lovchi kassaga bormasdan poyezdga o‘tirishi mumkin. Bu, o‘z navbatida, vaqtini tejash va kassada navbat kutmaslik imkonini beradi. Tez orada QR kodini elektron chiptalardan ham foydalanish mumkin bo‘ladi, bu ham yo‘lovchilarni poyezda tashish jarayonini sezilarli darajada osonlashtiradi.

 “Afrosiyob” tezyurar poyezdlarini respublikamizning boshqa yo‘nalishlarda harakatlanish imkoniyati to‘g‘risida savol berildi. “Buxoro – Misken” yangi temir yo‘l liniyasida elektrlashtirish ishlari yakuniga yetgach ushbu poyezdlar Xiva shahriga qatnashi aytib o‘tildi. Ta'kidlanishicha, joriy yilda ikkita tezyurar Afrosiyob poyezdi olib kelinadi.  Shuni alohida ta'kidlash kerakki, mamlakatimizning tog‘li sharoiti og‘ir hududlarida tezyurar poyezdlar qatnamaydi, chunki ushbu modifikatsiyadagi poyezdning bunday uchastkalarida ishga tushirish maqsadga muvofiq emas, chunki ular bunday hududlarda yuqori tezlikda harakatlana olmaydilar.

Axborot-tahliliy media markazi


“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko‘rinish